Me lule në duar, Rama shkon në familjen e Anri Kashikut dhe e shpall ”Dëshmor i Atdheut” (VIDEO)

I pranishëm në homazhet e lamtumirës për 18-vjeçarin e kthyer në hero, kryeministri Edi Rama tha se Anri Kashiku shpallet ”Dëshmtor i Atdheut”. ”Në familjen e Anri Kashikut, heroit që dha jetën e vet për të shpëtuar dy jetë, vëllain e vogël dhe shokun e tij”, shkruan Rama në facebook. 18-vjeçari humbi jetën për të shpëtuar vëllain dhe shokun e tij, të dy 15-vjeçarë.

BISEDA ME TË ATIN E DJALIT:

Babai i djalit: E takova për herë të fundit pas vitit të ri.

Rama: Ai është shpallur “Dëshmor i atdheut”. Nuk kemi fjalë për atë që ka bërë.

Babai i djalit: Respekte! Shumë faleminderit.

Rama: Me atë që ka bërë, ke pasur një djalë të mrekullueshëm.

Babai i djalit: Kur dëgjoj këto fjalë, sikur më lehtësohet dhimbja. Nuk do iki asnjëherë, por ndjehem shumë krenar për atë djalë që kam pasur.