Me maska në kokë duke bërë pompa, Rama: Po vjen njësia speciale “Anti KÇK”

Kryeministri Edi Rama ka publikuar sot një video ku shihen disa dhjetëra efektivë të Njësisë Speciale që do kryejnë operacionet ‘Forca e Ligjit’ duke u stërvitur.

Në një reagim në Facebook, bashkë me videon, Rama shkruan se kanë 6 muaj që trajnohen dhe të hënën dalin në terren kundër krimit të organizuar.

“OFL (Operacioni Forca e Ligjit) është Njësia Speciale që pas 6 muajsh trainimesh të specializuara dhe stërvitjeje me ngarkesë të lartë fizike, del në terren ditën e hënë për të zbatuar në bashkëpunim me SPAK-un, Ligjin Special të sapomiratuar për masat pasurore ndaj personave të dënuar ose akuzuar për krim të organizuar?”, shkruan Rama në Facebook.