Mediu: Në Shqipëri është instaluar diktatura, vepruan si hajdutë

Kreu i Partisë Republikane, Fatmir Mediu ka reaguar ashpër në lidhje me shembjen e Teatrit Kombëtar. Sipas Mediut, në Shqipëri tashmë është instaluar diktatura.

Reagimi i Fatmir Mediut:

Kjo është fytyra e vërtete e një regjimi antikushtetues, antiligjor, antipopullor dhe antikombëtar.

Veprimet natën si hajdutë për prishjen e Teatrit Kombëtar, megjithë thirrjet e ndërkombëtarëve, KLSH, dërgimit në Gjykate Kushtetuese nga Presidenti i Republikës, autoriteteve të artit dhe ruajtjes trashëgimisë kulturore dhe historike nga mbarë bota, tregon qartë se në Shqipëri është instaluar një klikë autoritariste dhe kriminale.

Kjo është hakmarrja e pinjollëve të diktaturës kundër demokracisë. Dhuna ndaj përfaqësuesve të opozitës është fundi i pluralizmit dhe demokracisë.