Mëhill Fufi përjashtohet nga grupi parlamentar i PD

Deputeti i PD-së, Mëhill Fufi nuk i është bindur vendimit politik të grupit parlamentar të partisë së tij, për të bojkotuar momentin e votimit të ligjit “Për organet e qeverisjes së drejtësisë”.

Në momentin, kur të gjithë deputetët kanë dalë nga salla e Kuvendit, Fufi ka qëndruar aty dhe është parë të bisedojë me deputetin e LSI-së, Gjovalin Kadeli. Sakaq, nuk dihet nëse ai ka marrë pjesë në votim apo jo.

Pas kësaj, deputeti Mëhill Fufi është përjashtuar nga grupi parlamentar i PD.