Meidani: A nuk i prishi Rama edhe kinematë historike për pallate?!

Ish-presidenti Rexhep Meidani ka reaguar ndaj prishjes së fasadës historike të stadiumit “Qemal Stafa”,  duke përcjellë dy mesazhe në një. Ai shkruan në profilin e tij në Fb këto radhë:

“Një mik i mirë, ndjekës i kujdesshëm i përplasjeve politike – mediatike, më dërgoi sot këtë mesazh:

“Pse çuditen? A nuk ndodhi po e njejta gjë me kinemanë “17 Nentori” apo dhe me kinemanë “Republika” disa vite me parë?!

A nuk po ndodh e njejta gjë me stadiumin “Qemal Stafa” dhe fasadën e tij?!

A nuk shoqërohen ato me ndërtime shumëkatëshe?! Po, pse?…Ende nuk qenka e qartë apo “nuk keni parë gjë akoma”. Në fakt, një pyetje për të gjithë duhet të jetë: Cili objekt publik e ka tashmë radhën…?”

Pikërisht, me këtë mesazh të thjeshtë, por tepër kuptimplotë, ai me ndriçoi mendjen. Shpresoj që këto rreshta të tij t’iu ndriçojnë mendjen edhe juve…