Meidani: BE të përshpejtojë zgjerimin në Ballkan

Bashkimi Europian duhet të përshpejtojë procedurat për të pranuar në gjirin e tij vendet e Lindjes si dhe Shqipërinë, deklaroi ish-presidenti i Shqipërisë, njëkohësisht anëtar i Akademisë së Shkencave, Rexhep Meidani gjatë punimeve të Asamblesë së NATO-s sot në Tiranë.

Ai tha se shumë vende të Lindjes kanë marredhënie ekonomike me Rusinë dhe forcimi këtyre marrëdhënieve dobëson influencën e Bashkimit Europian, duke rrezikuar kështu forcimin e Rusisë.

“Bashkimi Europian duhet të vlerësojë mundësinë e përshpejtimit të zgjerimit të saj në Ballkan. Është një proçes mjaft i rëndësishëm. Vendet janë njësi ekonomike që bashkëveprojnë me njëra tjetrën dhe Rusia ka rritur influencën duke forcuar marrëdhëniet ekonomike me vende të ndryshme, prandaj duhet të shqyrtohet situata e përshpejtimit të integrimit, e kundërta forcon Rusinë. Ballkani është një nga pikat kryesore të përplasjes së NATO-s me Rusinë dhe kjo është një argument tjetër që vjen në favor të kësaj problematike”, tha Meidani.