Mesazhi i Merkel në bibliotekën e Ramës

Kancelarja gjermane, Angela Merkel, nuk harroi të lërë shënimin e saj në librin e përshtypjeve në bibliotekën e re të Kryeministrisë më 8 korrik, gjatë vizitës së saj zyrtare në Tiranë. Ishte dita e parë që kjo bibliotekë ishte bërë e aksesueshme për vizitorët e saj, ndërsa Merkel dhe Rama e panë atë nga afër pas mbarimit të takimit të tyre zyrtar.

“Me rastin e vizitës së Kancelares Federale të Republikës Federale të Gjermanisë në Tiranë, 8 korrik 2015”, firmosur nga Angela Merkel, shkruhet në librin e përshtypjeve, raporton “Panorama”.

Kancelarja gjatë vizitës së saj në Kryeministri ka vizituar dhe ambientet e tjera në këtë godinë, si sallën e hartave dhe zyrën e Kryeministrit Rama ku ishin afishuar në mur përveç fotos së Ismail Qemalit, edhe skicat e Ramës.