Mesazhi i Presidentit Bajram Begaj në Ditën Ndërkombëtare të Paqes

Presidenti Bajram Begaj ka publikuar një mesazh në Ditën Ndërkombëtare të Paqes. Begaj shprehet se në këtë botë të trazuar nga konfliktet që përbëjnë kërcënime e rreziqe serioze për paqen dhe sigurinë botërore, duhet të shpërndahet modeli i paqes dhe të ruhet kultura.

“Po jetojmë në një botë të trazuar nga konfliktet që përbëjnë kërcënime e rreziqe serioze për paqen dhe sigurinë botërore. Zhvillimet më të fundit ndërkombëtare kanë treguar se paqja nuk është asnjëherë e sigurt. Historia na njeh ne shqiptarët si paqedashës. Luftërat që nuk i zgjodhëm, na kanë dhënë mësime të vyera. Le të vijojmë të shpërndajmë modelin tonë të paqes e të ruajmë kulturën e mbrojtjes së saj. Bota ka nevojë për të”, ka thënë ai.