Meta akuza Ramës për portin e Durrësit: Fshihesh pas investitorëve me para të dyshimta

Kreu i Partisë së Lirisë, Ilir Meta ka reaguar sërish nëpërmjet një postimit në Facebook për projektin e portit të ri të Durrësit.

“Injorimi brutal i qytetarëve të Durrësit, i ekspertëve vendas dhe të huaj, i shoqërisë civile, i detyrimeve ndaj Korridoreve europiane të sanksionuara në Samitin e Vjenës (2015), tregon se interesi i tyre dhe ai i vendit nuk ekziston për këtë KM, i cili fshihet pas historive me guacka pas guackash, me investitorë dhe burime të dyshimta parash“, shkruan Meta në një postim në Facebook.