Meta: Asnjë kompromis për deputetët që sfidojnë ligjet dhe Kushtetutën

Nuk ka kompromis për asnjë deputet që sfidon ligjet dhe Kushtetutën e vendit.

Ky është reagimi që vjen sot nga Ilir Meta, kreu i Kuvendit, pas debatit në lidhje me praninë e kreut të komisionit të sigurisë Spartak Braho në spitalin privat ku ndodhet i shtruar deputeti Mark Frroku.

Nga Gjirokastra kreu i Kuvendit tha se për cilindo që del mbi ligjet apo Kushtetutën e vendit qëndrimi i tij është u prerë, “nuk ka dhe nuk do të ketë kompromis”

Një ditë më parë Kreu i Kuvendit Ilir Meta i kërkoi shpjegim Spartak Brahos të sqarojë publikisht opinionin publik lidhur me të vërtetën, ndërsa u kërkoi dhe krerëve të disa institucioneve të hetojnë mbi këtë fakt.

Pas kësaj deklarate erdhi edhe reagimi i deputetit Spartak Braho i cili shpjegoi se ka qenë në spital për arsye personale shëndetësore .