Meta i bashkohet protestës së PD

Presidenti i Partisë së Lirisë, Ilir Meta i ëstë bashkuar protestës së thirrur nga PD para Kryeministrisë. Ai ka ardhur direkt në shesh, dhe jo nga selia blu. Po ashtu Meta pritet të ngjitet në podium dhe të mbajë fjalën e tij. Ai është takuar me mbështetësit e opozitës, përpara se të ngjitet në podium. Kërkesa për zgjatjen e protestës është bërë për deri në orën 24:00, por është miratuar për deri në orën 22:00.