Meta: Kontributi i jashtëzakonshëm i Kolonel Myfit Guxhollit në shërbim të Shqipërisë do të mbetet i paharruar

Koloneli 91-vjeçar Myfit Guxholli, një nga personalitetet e shquara të Luftës Antifashiste Nacionalçlirimtare dhe të Ushtrisë Shqiptare dje humbi betejën me SARS-CoV-2.

Kryetari i OBVL i rezistoi për disa ditë pandemisë të sëmundjes së koronavirusit (COVID-19), fillimisht në Spital dhe më pas në shtëpi, nën përkujdesjen e mjekëve e veçanërisht njerëzve të familjes, deri sa dje para dite zemra e tij.

Lajmi i hidhur për ikjen e papritur për në botën e përtejme të kolonelit me kontribut madhor në LANÇ e në Ushtrinë shqiptare si oficer, pedagog e dekan i Shkollës së Bashkuar ka tronditur mbarë opinionin publik mbarëshqiptar.

Njw mesazh ngushëllimi vjen sw fundmi nga Presdenti i Republikws Ilir Meta, i cili pwrmes rrjeteve sociale shprehet Koloneli veteran Myfit Guxholli, ishte njw ndwr përfaqësuesit e spikatur të një brezi të lavdishëm idealistësh, që në momentet më të vështira dhe të errëta për vendin u bashkuan me armë në dorë për çlirimin e Atdheut.

“Me dhembje të thellë i japim sot lamtumirën e fundit, Kolonelit veteran Myfit Guxholli, përfaqësuesit të spikatur të një brezi të lavdishëm idealistësh, që në momentet më të vështira dhe të errëta për vendin u bashkuan me armë në dorë për çlirimin e Atdheut.

Kolonel Guxholli dhe familja e Tij luftuan përkrah Heroit të Popullit Reshit Çollaku me çetën partizane të Mokrës, duke shkëlqyer me heroizmin e tyre. Pas Luftës ai dha një ndihmë të vyer për konsolidimin dhe modernizimin e Forcave tona të Armatosura, duke shkëlqyer në pension, si kryetar i Organizatës të Bashkuar të Veteranëve të LANÇ, me punën e palodhur për edukimin e shoqërisë e në veçanti të të rinjve me ndjenjat më të larta atdhetare.

Duke u shprehur familjes së nderuar Guxholli, miqve dhe komunitetit të dashur të veteranëve, jam i bindur se kontributi i jashtëzakonshëm i Kolonel Guxhollit në shërbim të Shqipërisë do të mbetet i paharruar dhe burim frymëzimi për gjeneratat e ardhshme, si shembull i shkëlqyer i patriotizmit dhe atdhedashurisë”, shprehet Presidenti Ilir Meta.