Meta mesazh Ramës: Politikani kur e jep fjalën, e mban!

Presidenti Ilir Meta deklaroi sonte në intervistën e dhënë për “Syri Tv” se kryeministri Edi Rama duhet të mbajë fjalën për marrëveshjen me opozitën, për reformën zgjedhore.

“Fatkeqësisht klasa jonë politike ka treguar mungesë të qartë vullneti politik për zgjedhje të lira. Politikani kur e jep fjalën duhet ti qëndrojë asaj, për më tepër kur e firmos dhe kur bëhet me bekimin e aleatëve. Dua të besoj se, papërgjegjshmëria nuk do të shkojë deri në nivele të tilla. Kjo do të thotë bllokim të hapjes së negociatave deri në zgjedhje të tjera. Nuk besoj se kush do të marrë një përgjegjësi të tillë”, tha Meta.