Meta: Ndryshimet Kushtetuese do i përgjigjen nevojave të shoqërisë

Kryetari i kuvendit Ilir Meta i është drejtuar me nje letër Presidentit të Komisionit të Venecias, Giani Buquicchio, përmes së cilës ka shprehur mirënjohjen e tij për kontributin e dhënë për reformën në drejtësi .

Meta garanton Komisionin e Venecias se një paketë kushtetuese dhe ligjore e mbështetur në rekomandimet e këtij komisioni , standardet më të larta ndërkombëtare në këtë fushë si dhe një proces konsultimi gjithëpërfshirës e transparent do t’i përgjigjet cilësisht nevojës që ka shoqëria shqiptare për reformimin e sistemit të drejtësisë.

Kryetari i Kuvendit dhe LSI, Ilir Meta deklaron se rekomandimet e Venecias do të jenë udhërrëfyesi i përmbajtjes së paketës kushtetuese, por edhe ligjeve organike për reformën në drejtësi.