Meta në 21-vjetorin e Masakrës së Reçakut: Të bashkuar që mos përsëriten më, drejtësia të çohet deri në fund

Presidenti i Shqipërisë Ilir Meta, ishte në Reçak të Kosovës për të përkujtuar 21-vjetorin e masakrës nga gjenocidi serb ku mbetën të vrarë 45 civilë shqiptarë.

Presidenti Meta krah homologut Thaçi u shpreh se masakra e Reçakut shokoi gjithë botën duke vendosur në lëvizje dhe diplomacinë ndërkombëtare.

Ai shprehet se drejtësia duhet të çohet deri në fund për autorët dhe organizatorët e kësaj ngjarje. Në fund ai bëri një apel për bashkim ndaj vlerave europiane që këto ngjarje mos përsëriten më në rajon.

Fjala e Presidentit Meta
Ishte një përgjegjësi për të qenë sot këtu, së bashku me presidentin e Kosovës Hashim Thaçi dhe gjithë ju, për t’u përkuluar përpara kujtimit të fëmijëve të moshuarve dhe banorëve të Reçakut të masakruar barbarisht 21 vite më parë. Ky akt s’mund të përmbyllej më saktë sesa me tre fjalë nga ambasadori Walker 21 vite më parë.

Shokoi mbarë botën dhe vendosi në lëvizje diplomacinë botërore, për të ndalur luftën dhe për të gjetur zgjidhjen. Dhe më pas me ndërhyrjen e NATO-s. Këto akte me të gjitha zvhillimet dhe pasojat e saj tregoi se dinjiteti njerëzor triumfon ndaj gjenocidit, dhunës dhe barbarizmit. Kjo solli dhe drejtësinë dnërkombëtare përmes lirisë dhe pavarësisë së Kosovës.

Të çohet deri në fund drejtësia për autorët dhe organizatorët e këtij krim kundër njerëzimit. Duhet të qëndrojmë për vlerat europiane për të cilat po përpiqemi. Vetëm një e ardhme e përbashkët europiane mund të ndalojë ripërsëritjen e këtyre ngjarjeve.