Meta në Lezhë: Drejtimi i duhur është Viktor Tusha

Punësimi dhe strehimi mbetën problem më vete për banorët e Lagjes Skëndërbeg të qytetit të Lezhës, kryesisht për komunitetet Rome dhe Egjiptiane.

Kreu i parlamentit Ilir Meta, ishte i pranishëm në degjesën e radhës publike që kandidati Viktor Tushaj kishte me këta banorë.

Meta i ka siguruar banorët e Lagjes Skenderbeg se me Viktor Tushaj Lezha është në drejtimin e  duhur dhe do të mund të realizojë të gjitha pritshmëritë e qytetarëve që me zhvillimin e vëndit vijnë gjithnjë e në rritje.

“Bashkimi i të gjitha resurseve, potencialeve të bujqësisë, blegtorisë, sektorit të peshkimit dhe punësimit do të bëhen një mundësi e shkëlqyer për të bashkëpunuar e për të bërë politika zhvillimi. Lezha shumë shpejt do të kthehet në një destinacion turistik të preferuar”, – tha ndër të tjera Kryeparlamentari Ilir Meta.

Ndërkohë Kandidati Viktor Tushaj ka falenderuar banorët e kësaj lagjeje që për dy mandate rrjesht i kanë shprehur besimin me votën e  tyre. Votë e cila sipas tij është kthyer padyshim në investime për ta.

Ai kujtoi infrastrukturën e kësaj lagjeje që dikur ishte e rrënuar, e ndërsa sot performon si një lagje e mirëfilltë qyteti, si dhe rikonstruksionin e 36 banesave të komunitetit rom.

Sipas tij në këto 8 vite është bërë shumë për integrimin e këtyre komuniteteve, drejt arsimit apo punësimit. Megjithatë Tushaj theksoi se sfidat për të ardhmen mbeten të shumta por jo të parealizueshme.