Meta në Selenicë: Keqardhje për përballjen me Ballin Kombëtar

Kreu i Levizjes Socialiste për Integrim, Ilir Meta, prezantoi sot kandidatin për Bashkinë e Selenicës, Kasem Cenaj.

I bindur se banorët e kësaj zone do të dinë të bëjnë zgjedhjen e duhur duke votuar kandidatin e së majtës, Meta premtoi se qeveria do të të ketë investime konkrete në këtë zonë si në bujqësi, ashtu dhe blegtori.

“PS-LSI nje fuqi e perbashket qe nuk synon te fitojë, por te japi shembullin e punes jo vetem ne Vlore e Selenice, por edhe Shkoder e Kukes. PD i do Bashkite per lufte politike, por pushteti vendor është për të zgjidhur problemet e komunitetit. Do të ketë investime konkrete nga qeveria në këtë zone. Mbështetje të jashtëzakonshme për bujqësinë dhe blegtorinë. Shqipëria është në drejtimin e duhur dhe Selenica do të bëjë zgjedhjen e duhur për të marrë drejtimin e duhur” tha Meta.

Investimet do të jenë edhe në infrastrukturë, tha Meta.

“Së shpejti projekte për të lidhur Selenicën me Bregun.Me bitumin e Selenices jane shtruar rruget e botes, por jo te Selenices. Rruga e lumit te Vlores nis se shpejti, përmes së cilës lidhet Vlora me Qeparoin. Ky do jete reformin teresor per zonen”.

Meta shfrytëzoi praninë e tij në Selenicë për të uruar dhe 9 Majin, ditën e fitores mbi fashizmin, ndërsa ka thumbuar kandidatin e së djathtës për këtë Bashki.

“Gëzuar 9 majin, ditën e fitores mbi fashizmin.Kemi arsye të festojmë se këtu jemi në trevat më patriotike të vendit. Me vjen keq qe PD na ka vene perballe nje kandidat nga Balli Kombetar”.