Meta takon kreun e opozitës bjelloruse: Lirimi i të burgosurve politikë, me rëndësi për të ardhmen demokratike

Presidenti i Shqipërisë, Ilir Meta, këtë të mërkurë priti në një takim kreun e opozitës bjelloruse, Sviatlana Tsikhanouskaya. Përmes një postimi në facebook, kreu i shtetit thekson se ”Lirimi i të burgosurve politikë, liria e medias dhe e shprehjes, si dhe mbajtja e zgjedhjeve të lira e të ndershme janë tepër të rëndësishme për të ardhmen demokratike të Bjellorusisë”.

Postimi i plotë

Kënaqësi të takoja sot udhëheqësen e guximshme të opozitës bjelloruse, znj. Sviatlana Tsikhanouskaya.

I urova shumë suksese në misionin, përpjekjet frymëzuese dhe lidershipin e dëshmuar.

Lirimi i të burgosurve politikë, liria e medias dhe e shprehjes, si dhe mbajtja e zgjedhjeve të lira e të ndershme janë tepër të rëndësishme për të ardhmen demokratike të Bjellorusisë.

Shqipëria qëndron në krah të aspiratave demokratike të popullit bjellorus!