Mijëra hektarë tokë nën ujë në Shkodër, Bashkia: Rruga e Obotit e pakalueshme, në oborre niveli arrin deri në 100 cm

Bashkia e Shkodrës ka dhënë informacion zyrtar lidhur me përmbytjet në territorin e saj, për datën 8 shkurt.

Sipas informacioneve, një sipërfaqe totale perj 3 mijë e 655 hektarë toke është përmbytur. Nga ana tjetër Oboti mbetet i izoluar nga uji, pasi rruga nuk përshkohet as me mjete të larta ndërsa në oborre uji shkon deri në 100 cm.

Ndërkohë rruga që lidh fshatrat Shirq-Darrgjat është e bllokuar, ndërsa në zonë e quajtur ”Këneta e Dajçit” janë 121 shtëpi në ujë, ndërsa në disa toka bujqësore niveli i ujit arrin deri në 2 metra.

Njoftimi nga Bashkia Shkodër

Situata e përmbytjeve në territorin e Bashkisë Shkodër, datë 08.02.2021, paradite
Nga monitorimi periodik në terren ditën e sotme datë 08.02.2021, paradite, situata e përmbytjeve në terren vazhdon të jetë si më poshtë:
• Hidrometri në Dajç në orën 08.30, shënon kuotën 6.55 m.(Kuota max 6.30 m). Në krahasim me raportimin e ditës së djeshme, kemi rënie të nivelit të ujit me 5cm.
• Hidrometri i Liqenit të Shkodrës në orën 08.30, shënon kuotën 8.73 m. (Kuota max 8.70 m). Në krahasim me raportimin e ditës së djeshme, kemi rënie të nivelit të ujit me 6 cm.
• Hidrometri i lumit Drin në orën 08.30, shënon kuotën 7.10 m. (Kuota max 7.50 m). Në krahasim me raportimin e ditës së djeshme, kemi rritje të nivelit të ujit me 5 cm.
Bashkia Shkodër
Sipërfaqe totale e përmbytur 3655 Ha
1. Tokë e pakultivuar 735 Ha
2. Foragjere të dyta, jonxhe 2625 Ha
3. Grurë 160 Ha
4. Bimë Dekorative 92 Ha
5. Pemtore 40 Ha
6. Serra 3 Ha
Nj.A. Ana e Malit
1. Rruga e Obotit është e pakalueshme me mjete të larta. Niveli i ujit mbi rrugë arrin rreth 120 cm.
2. Në fshatin Obot ka prezencë uji në oborre 100cm.
3. Ujësjellësi Oblika 1,si pasojë e përmbytjeve është jashtë funksionit.
4. UKSH Vazhdon të furnizojë me ujë të pishëm banorët e fshatit Oblikë
5. Sipërfaqja e tokës bujqësore e përmbytur vlerësohet në 1250 Ha, kryesisht në fshatrat Obot, Muriqan, Oblikë, Velinaj, Shtuf.
• Tokë e pakultivuar 220 Ha
• Foragjere të dyta, jonxhe 940 Ha
• Grurë 45 Ha
• Pemtore 35 Ha
• Bimë dekorative 7 Ha
• Serra 3 Ha
6. Shtëpi të përmbytura 2.
7. Në disa toka bujqësore niveli i ujit arrin në 2 – 2.5m.
8. Rrezikohet përmbytja e Ujësjellës Oblika 2.
9. Ditën e djeshme janë shpërndarë për fshatin Obot 70 pako ushqimore, për 70 familje,të furnizuara nga Bashkia Shkodër.
Nj.A Dajç
1.Sipërfaqja e tokës bujqësore e përmbytur vlerësohet në 1550 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Belaj, Rrushkull, Samrish i Ri, Darragjat, Pentar-zona fushore), nga të cilat:
• Tokë e pakultivuar 310 Ha
• Foragjere të dyta, jonxhe 1060 Ha
• Grurë 95 Ha
• Bimë dekorative 85 Ha
2. Rruga që lidh fshatrat Shirq- Darrgjat është e bllokuar. Ka prezencë uji me mbi 100-130 cm
3. 121 shtëpi kanë prezencë uji në oborre.
4. Ka prezencë uji 20 cm në rrugen Belaj – Pentar.
5. Në disa toka bujqësore niveli i ujit arrin në 2 m.
Nj.A.Velipojë
Sipërfaqja e tokës bujqësore e përmbytur vlerësohet në 100 Ha.Kryesisht fshatrat Baks i Ri, Luarz. Ças.
• Tokë e pakultivuar 30 Ha
• Foragjere të dyta, jonxhe 70 Ha
Nj. A. Guri i Zi
Vazhdon gërryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.
Nj.A.Bërdicë
Sipërfaqja e tokës bujqësore e përmbytur vlerësohet në 260 Ha, konkretisht në fshtrat Trush, Berdicë e Siperme, Berdice e Madhe.
Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.
• Të pakultivuara 40 Ha
• Foragjere të dyta, jonxhe 200 Ha
• Grurë 20 Ha
Nj.A. Rrethina
Sipërfaqja e tokës bujqësore e përmbytur vlerësohet në 495 Ha, në fshatrat Zues (tokat në fushen e Oblikës), Shtoj i Vjeter, Shtoj i Ri dhe Dobraç
• Tokë e pakultivuar 135 Ha
• Foragjere të dyta, jonxhe 355 Ha
• Pemtore 5 Ha
-Bashkia Shkodër në kushtet e ndodhura, në referencë të Ligjit Nr.45/2019 “Për Mbrojtjen Civile ”, kërkon shpalljen e gjendjes së fatkeqësisë natyrore, për Nj.A. Ana e Malit dhe Dajç.
-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “Përroit të kufirit” Muriqan në Nj.A Ana e Malit.
-Kërkohet mbështetje me bazë ushqimore për gjënë e gjallë ( koncentrat) për NJ.A. Ana e Malit , Dajç dhe Rrethina për një sasi 500 ton.