Militantët e PS rrahin aktivistin e LSI vetëm pse mbante kaplen me logon e partisë. Presidenti Meta: Sulm i pabesë
Politikë E Mërkurë, 21 Prill 2021 22:36
Militantë të PS në Poliçan të Skraparit kanë dhunuar sot një militant të LSI-së, vetëm sepse mbante një kapele me simbolet e LSI.
Incidenti i rëndë është denoncuar nga kreu i shtetit, Ilir Meta në një reagim në Facebook.
“Sapo fola me të plagosurin nga sulmi i pabesë i bandës rilindase të Bashkisë Poliçan, mikun tim të vjetër Luan Tare. Mësova se ishte sulmuar pabesisht nga banda, që dhunon popullin e Poliçanit, vetëm pse mbante në kokë kapelen me simbolet e partisë së tij.
I urova të shkuara dhe nesër do e çoj për kontroll më të specializuar në spitalet e Tiranës.
I premtova se regjimit të dhunës edhe tre ditë dhe i vjen fundi përgjithmonë.
Shqipëria nuk mposhtet nga dhuna e të pabesëve dhe horrave!”,- shkruan kreu i shtetit në mesazhin e tij.
KOHA JONË SONDAZH
