Ministri Arbjan Mazniku: Vazhdojnë trajnimet me këshilltarët bashkiakë të Vlorës, Devoll, Kolonjë, Gjirokastër dhe Libohovë

Ministri për Pushtetin Vendor, Arbjan Mazniku shkruan në profilin e tij në facebook, këtë pasdite të kësaj të shtune: “Gjatë kësaj fundjave në bashkitë Vlorë, Devoll, Kolonjë, Gjirokastër dhe Libohovë u zhvilluan trajnimet përgatitore për këshilltarët bashkiakë.

Kjo përpjekje e përbashkët  me AMVV dhe ASPA, është një hap i rëndësishëm drejt përmirësimit të kapaciteteve dhe përgatitjes së këshilltarëve për të përmbushur detyrat dhe sfidat e rolit të tyre në shërbim të komuniteteve e qytetarëve që u kanë besuar me votën e tyre”.