Ministri Bushati takon homologun e Serbisë

Ministri i Jashtëm, Ditmir Bushati ka pritur në një takim homologët e tij, atë serb Ivica Daçiç dhe atë Italian Paolo Gentiloni.

Takimet të cilat u zhvilluan të ndara, vijnë në kuadër të konferencës së dytë tripalëshe Shqipëri-Serbi-Itali.

Në një njoftim të Ministrisë se Jashtme thuhet se “gjatë takimit ë Bushati pati me Ivica Daçiç diskutuan mbi ecurinë e raporteve dypalëshe në dritën e zhvillimeve me të fundit dhe të shkëmbimit të vizitave të dy Kryeministrave, Edi Rama dhe Aleksandar Vučić. Ministrat evidentuan nevojën për konkludimin e marrëveshjeve të dakordësuara në parim në fushat e zhvillimit ekonomik, lëvizjes së lirë të qytetarëve dhe arsimit të lartë. Palët vlerësuan hapat e kryera nga të dy vendet për konkretizimin e angazhimeve të marra në kuadër të procesit të Berlinit.”