Ministri i Brendshëm përplaset me Bardhin në Kuvend

Është shoqëruar me debate tëforta seanca e sotme parlamentare mes kreut të grupit parlamentar të PD-së, Gazment Bardhi dhe ministrit të Brendshëm, Ervin Hoxha lidhur me praninë e policisë në sallën e Kuvendit në seancat e kaluara.

“Ju guxuat sollët Policinë e Shtetit me urdhër të një ushtari të bandave në Kuvendin e Shqipërisë dhe i thoni gjykatave që nuk paskan të drejtë të hyjnë te veprimtaria e Kuvendit. Zotëria detyroi Policinë e Shtetit, që nuk ka ndodhur kurrë në 34 vite, që të referojë në prokurori deputetët e opozitës për veprimtarinë e tyre parlamentare. Ç’punë ka policia e Ilir Prodës me deputetët e opozitës dhe çfarë bëjnë në sallë deputet e opozitës ndërkohë që gjykatat nuk paskan punë me çfarë bën mister veza. E kuptoni ku qëndron logjika juaj?, u shpreh Bardhi.

Ndërkohë reagimi i ministrit të Brendshëm ka qenë i menjëhershëm, i cili ka thënë:
“Zoti Bardhi e kam me ju. I nderuar deputet në pikëpamjen e analizës psikokriminale që kam për shkak të detyrës, ti hyn te njerëzit recidivistë, përsëritës gënjeshtarë. E dyta që ti gënjen dhe akuzon dhe pastaj i beson atyre që akuzon kjo është e vërtetë. Policia ka bërë detyrën, nuk ka hyrë në kuvend, turma, që drejtohej nga ty, po sillej drejt institucioneve kushtetuese. Policia ishte në detyrë dhe mbrojti kuvendin“.