Ministri Manjani, takim me kreun e Komisionit të Venecias

Ministri i Drejtësisë, Ylli Manjani ndodhet në një vizitë zyrtare në Strasburg, me ftesë të Presidentit të Komisionit të Venecias Z.Gianni Buquicchio. Takimi ka ardhur për një tryezë diskutimi për punën e deri më tanishme të reformës në Drejtësi.

Manjani dhe Buquicchio zhvilluan një takim dypalësh në lidhje me ecurinë dhe për analizimin e drafteve që ka reforma në fjalë. Z.Buquicchio është njohës i mirë dhe gjithashtu ekspert për veprimtarinë e Komisionit të Venecias.

Në këtë takim u theksua ndër të tjera nevoja për forcimin e bashkëpunimit që duhet të ketë Shqipëria me Komisionin e Venecias, për të qenë sa më pranë rekomandimeve të ekspertëve dhe për ta bërë reformën sa më të drejtë dhe funksionale për vendin tonë.

Gjatë takimit gjithashtu u fol për stadin aktual të reformës në drejtësi. Ky Ministri Manjani shprehu vlerësimin maksimal për punën e komisionit dhe i vlerëson për impenjimin serioz të Komisionit të Venecias  për reformën në drejtësi.