Ministri Mazniku zbret në bazën e PS në Bashkinë e Tiranës

Ministri i Pushtetit Vendor, Arbjan Mazniku, edhe sonte ka zbritur në bazën e PS. Pas punës zyrtare si ministër, Mazniku ka zhvilluar takime partiake në Kashar në Bashkinë e Tiranës.

Pas takimit, ku ishte shoqeruar edhe nga deputeti i PS, Plarent Ndreca, ministri shkruan: “Në Kashar me miq socialistë diskutuam për organizimin e partisë dhe për përmirësimin e jetës së komunitetit. Shqetësimet e qytetarëve janë gjithmonë në fokusin e Partisë Socialiste dhe punojmë çdo ditë për zgjidhjen e tyre”.