Ministria e Mbrojtjes tregon si paraqitet situata nga reshjet e dendura: Ja zonat më problematike

Reshjet e dendura të shiut në një pjesë të madhe të territorit të vendit ka krijuar problematika në disa zona.

Ministria e Mbrojtjes thotë se po punohet në aksin rrugor Skuraj –Burrel, ku ka rënie masive gurësh dhe bllokim të rrugës, në fshatin Shkopet si dhe në njësinë administrative Milot, në Kurbin. Ka prani uji në oborret e disa banesave në Mirditë, për shkak të daljes së përroi të Zmejës nga shtrati.

“Situata po monitorohet në Durrës, ku ka prani të ujit në disa rrugë, duke vështirësuar qarkullimin e mjeteve, kryesisht në zonën rreth stadiumit, Plazhit, Plepa, te “Ura e Dajlanit”.

Po ashtu po punohet për riparimin e defekteve në sistemin energjetik në disa zona në Kukës, Tropojë, Shkodër”, thuhet ne njoftimin e Ministrise se Mbrojtjes, e cila thekson se “të gjitha forcat janë në terren për të shmangur çdo problematikë që shfaqet”, njofton Ministria.