Ministria e Shëndetësisë merr vendimin: Çdo qytetar mbi 18 vjeç mund të marrë dozën e tretë të vaksinës anticovid

Çdo qytetar mbi 18 vjeç mund të marrë dozën e tretë të vaksinës anticovid. Kështu ka njoftuar Ministrja e Shëndetësisë, Ogerta Manastirliu.

Në një postim në Facebook, Manastirliu shkruan se secili qytetar mund të bëjë dozën e tretë nëse ka kaluar 6 muaj nga aplikimi i dozës së dytë.

Po ashtu ditën e sotme pritet që dozën e tretë ta marrë edhe Kryeministri Edi Rama në ambientet e stadiumit “Air Albania”.