Ministrja Spiropali pret ambasadorin Soreca: Për Shqipërinë, BE nuk është një nga zgjedhjet, por e vetmja zgjidhje

Ministrja e Shtetit për Marrëdhëniet me Parlamentin, Elisa Spiropali priti sot në një takim ambasadorin e Bashkimit Europian në Shqipëri, Luigi Soreca. Duke e cilësuar Sorecën një mik të mirë të Shqipërisë dhe shqiptarëve, Spiropali tha se BE-ja nuk është një nga zgjedhjet, por e vetmja zgjidhje.

”Mbështetja e familjes së madhe Europiane, duke nisur nga forcimi i marrëdhënieve politike, ekonomike, e duke vijuar me mbështetjen e jashtëzakonshme për demokratimizim e institucioneve, shtetin ligjor & të drejtat e njeriut janë vetëm një pjesë e kontributit madhor që partnerët tanë kanë dhënë në kaq vite mision”,-shkruan Spiropali.

Kujtojmë se më 19 korrik 2022 në Bruksel, u mbajt Konferenca e Parë Ndërqeveritare midis Shqipërisë dhe BE-së, një moment historik i rrugëtimit të integrimit evropian të Shqipërisë dhe një hap më afër në realizimin e aspiratës së popullit shqiptar për të qënë pjesë e familjes evropiane.

Statusi i plotë

🇦🇱🇪🇺| “Kënaqësi që prita sot Ambasadorin Soreca, i Ngarkuari me Punë i Delegacionit të BE-së në Tiranë, mik i mirë i Shqipërisë dhe i shqiptarëve. Për Shqipërinë, Bashkimi Europian nuk është një nga zgjedhjet, por e vetmja zgjidhje.

Mbështetja e familjes së madhe Europiane, duke nisur nga forcimi i marrëdhënieve politike, ekonomike, e duke vijuar me mbështetjen e jashtëzakonshme për demokratimizim e institucioneve, shtetin ligjor & të drejtat e njeriut janë vetëm një pjesë e kontributit madhor që partnerët tanë kanë dhënë në kaq vite mision.

Të rinjtë gjishashtu janë në themel të politikave të BE-së dhe ndihma për ta tanë nuk ka munguar, jo vetëm me fonde të caktuara por edhe duke i bërë pjesë të nismave me impakt social, politik dhe jo vetëm.

Programi ‘EU4Schools”, për rindërtimin e 60 objekteve arsimore në 11 bashkitë më të prekura nga tërmeti i 26 Nëntorit, 2019, si dhe mbështetja financiare për Shqipërinë për të trajtuar pasojat ekonomike të pandemisë Covid-19 meritojnë falënderim të posaçëm.

Në vijim i shpreha mirënjohje Ambasadorit Soreca për mbështetjen e tij të palëkundur dhe theksova se për Shqipërinë integrimi në BE është thelbësor, një agjendë me kah të pandryshueshëm.