Ministrja Xhaçka: 2022 nuk ka qenë vit i lehtë, por i suksesshëm për Shërbimin Diplomatik

Ministrja për Punët e Jashtme dhe Evropën Olta Xhaçka, ka deklaruar se 2022 nuk ka qenë një vit i lehtë, por në njëjtën kohë ka qenë gjithashtu edhe një vit shumë i suksesshëm për Shërbimin Diplomatik të Shqipërisë.

Përmes një urimi në rrjetet sociale, ajo ka përmendur disa nga arritjet e realizuara gjatë vitit që lam pas.

Xhaçka është shprehur krenare për ekipin dhe vitin 𝟮𝟬𝟮𝟯 e sheh me optimizëm dhe besim.

Postimi i plotë:

𝟮𝟬𝟮𝟮 nuk ka qenë një vit i lehtë, por në njëjtën kohë ka qenë gjithashtu edhe një vit shumë i suksesshëm për Shërbimin Diplomatik të Shqipërisë.

Ulja në Këshillin e Sigurimit të OKB-së dhe luajtja e një roli të rëndësishëm si bashkëpenëmbajtës me SHBA-të për çështjen e Ukrainës ;

Hapja e negociatave për procesin e anëtarësimit me BE-në;

Dialogu strategjik me partnerët tanë amerikanë;

Samiti #BE-Ballkani Perëndimor i mbajtur në Tiranë.

Jemi krenarë për ekipin tonë dhe e shikojmë vitin 𝟮𝟬𝟮𝟯 me optimizëm dhe besim.

Gëzuar Vitin e Ri!