Ministrja Xhaçka: Kërcënimet kibernetike shkatërruese, të investohet në sigurinë kibernetike

Ministrja për Evropën dhe Punët e Jashtme, Olta Xhaçka, ka folur në Nju Jork për sulmet kibernetike që goditën vendin tonë në korrik e shtator.

“Diskutim i frytshëm në takimin ministror “Formësimi i sigurisë kibernetike globale një thirrje për veprim për të promovuar sjelljen dhe kapacitetin e përgjegjshëm të shtetit”.

Kërcënimet kibernetike janë komplekse, shkatërruese, kërcënuese dhe gjithnjë e më të shpeshta. Shqipëria sapo ka përjetuar një sulm brutal të sponsorizuar në shkallë të gjerë nga një shtet i caktuar.

Është thelbësore të përmirësohet bashkëpunimi dhe partneriteti dy dhe shumëpalësh dhe të investohet në sigurinë kibernetike.” shkruan në Twitter Xhaçka.