Ministrja Xhaçka përkujton Holokaustin: Krenohem që hebrenjtë u strehuan dhe u shpëtuan nga shqiptarët

Ministrja e Jashtme Olta Xhaçka, ka përkujtuar ditën e sotme Holokaustin mbi popullin hebre.

Në një postim në Facebook, Xhaçka shprehet se krenohet me faktin se hebrenjtë u mirëpritën dhe u strehuan nga shqiptarët.

“Në këtë ditë të përkujtimit të Holokaustit nderojmë kujtimin e miliona hebrenjve të pafajshëm, të vrarë nga nazistët gjatë Luftës së Dytë Botërore. Por si shqiptarë e hedhim vështrimin nga historia dhe krenohemi me faktin se hebrenjtë u mirëpritën, u strehuan dhe u shpëtuan nga tragjedia prej shqiptarëve, duke fituar edhe titullin ” Të drejtët mes Kombeve”, shkruan Xhaçka.