Ministrja Xhaçka takim me ambasadorët e Ukrainës, BE-së dhe SHBA-së: Folëm për skenarët e bashkëpunimit

Ministrja e Punëve të Jashtme dhe e Europës, Olta Xhaçka ka zhvilluar këtë të hënë një takim me ambasadorët në Tiranë për luftën ruse në Ukrainë.

Ambasadorja amerkane Yuri Kim, ambasadori i BE-së, Luigi Soreca, si dhe ambasadori i Ukrainës në Shqipëri, Volodymyr Shkurov u bënë bashkë me Xhaçkën në një takim ku theksojnë se kanë dakordësi të plotë në mbështetje të Ukrainës.

Në Twitter, Xhaçka tregon se është diskutuar për skenarët e mundshëm për bashkëpunim. Po ashtu ndërmjet palëve kishte dakordësi të plotë mbi mbështetjen ndaj Ukrainës dhe për të mbajtur Rusinë përballë përgjegjësisë.

Hosted today 🇺🇲 Amb. @USAmbAlbania 🇪🇺 Amb @LSorecaEU & 🇺🇦 Amb.Volodymyr Shkurov @UKRinALB. Open discussion on the situation in #Ukraine & scenarios for coop.Complete agreement on need to support 🇺🇦 & hold 🇷🇺 to account.We stand in full solidarity with #Ukraine!
🇦🇱🤝🇺🇦🤝🇺🇲🤝🇪🇺 pic.twitter.com/geWJppEXKY

— Olta Xhaçka (@xhacka_olta) February 28, 2022