Mori mandatin e Alfred Rrushajt, Petrit Doda regjistrohet si i pavarur

Petrit Doda, deputeti më i ri në Kuvend, i cili mori mandatin e lënë nga Alfred Rrushaj nuk do të regjistrohet në grupin parlamentar të PD-së, por si i pavarur.

“Unë shkova në Parlament si deputet i opozitës, demokratët më kanë mbështetur. Ngelem deputet i opozitës, por nuk jam as vegël e Edi Ramës dhe as nuk dua të prish balancat brenda grupeve. Ato duhet të bashkohen dhe të çojmë demokratët në pushtet. Krerët i kanë punët e tyre në terezi. Ndërsa demokratët janë në rrugë të madhe, janë pa punë, pa pensione. Unë nuk dua të prish balancat”, ka thënë Doda.