Moti i keq, Lulzim Basha bllokohet rrugës për në Shkodër: Qytetarët janë pa ndihmë. Qeveria ka dështuar turpshëm!
Moti i keq ka bllokuar mijëra njerëz në rrugët e vendit, për shkak të mos marrjes së masave nga institucionet për pastrimin e borës dhe hedhjes së skorjeve.
Kreu i PD, Lulzim Basha është bllokuar në gjatë kohës që udhëtonte për në Shkodër. Në një komunikim për News 24, Basha u shpreh se situata është e rëndë për qytetarët që kanë disa orë që ndodhen në acar.
“Situata është e rëndë. Gjatë rrugës për Lezhë dhe Shkodër nuk pashë asnjë borëpastruese. Ambulanca dhe automjete private të bllokuara rrugës, pa ndihmë”,- u shpreh Basha.
Sipas kreut të PD,”qytetarët janë të bllokuar anembanë Shqipërisë, të braktisur. Qeveria ka dështuar turpshëm për t’ju qëndruar pranë banorëve”, – deklaroi Basha ndërsa gjendej i bllokuar rrugës për në Shkodër
Pak më herë, për situatën e krijuar në vend reagoi dhe kreu i shtetit. Presidenti kërkoi nga prokuroria hetimin e institucioneve dhe kompanive që nuk kanë marrë masa për situatën e krijuar, e cila ishte e paralajmëruar prej ditësh.
Lexoni edhe…
- “Mijëra qytetarë të bllokuar”, Gazment Bardhi publikon pamjet: Edi Rama gënjeu si gjithmonë. Ku janë 500 borëpastrueset që premtoi?!
- Presidenti Meta, thirrje institucioneve: Ndihmoni njerëzit e bllokuar nga bora. Prokuroria të hetojë zyrtarët që nuk kanë kryer detyrën
- PD denoncon: Kaos në rrugën e Lezhës, s’ka borëpastruese e kripë. Ku janë firmat që marrin paratë?
- Vasili: Media, tregoni të vërtetën. Vendi në situatë kritike, i bllokuar nga COVID, bora dhe pa kryeministër
