Namik Dokle: PD ta kërkojë arsyen e humbjes në zinxhirin komandues

Deputeti socialist Namik Dokle shprehet se Partia Demokratike duhet ta kërkojë arsyen e humbjes në zgjedhjet vendore të 21 Qershorit në zinxhirin e saj komandues.

Një ditë pas seancës parlamentare ku deputetët demokratë akuzuan Qeverinë dhe mazhorancën për shkeljen e standardeve zgjedhore dhe ndryshimin e vullnetit të zgjedhësve shqiptarë përmes presioneve, përdorimit të administratës dhe shit-blerjes së votave, Dokle përmes një komenti në rrjetin social Facebook shprehet se Partia Demokratike po e kërkon arsyen e humbjes së zgjedhjeve në kashtë.

"Dje gjithë ditën në Kuvend dëgjuam gërr-vërret e PD-së për zgjedhjet.

Të humbasësh me rreth 500.000 vota diferencë dhe të kërkosh fajin te të tjeret, nuk është asgjë më shumë se një absurditet llogjik dhe politik.

I thashë një kolegu të së djathtës, mos e kërkoni "arsyen" në kashte, por në atë që e quani "zinxhir komandues" të partise suaj…dhe që është:

-Një që qesh,

-Një që pi,

-Një përshesh

-Një që s'di…

Dhe kashta mbi tjegulla ështe Qoftelargu, qe po ike larg e me larg", shkruan Dokle në Facebook.