Ndarja nga jeta e Kolonel Sulajt, Presidenti Meta: Përgatiti me profesionalizëm shumë breza ushtarakësh

Presidenti Ilir Meta ka shprehur ngushëllimet për ndarjen e Kolonel Agim Sulajt, ku teksa ka ngushëlluar familjen për këtë humbje të madhe, ka vlerësuar punën e Sulajt me përgatitjen e shumë brezave ushtarakësh.

Postimi i plotë nga Presidenti Meta

Trishtues lajmi për ndarjen nga jeta të Kolonel Prof.As. Agim Sulaj, një prej pedagogëve më të vlerësuar për përgatitjen me profesionalizëm të shumë brezave ushtarakësh. Forcat e Armatosura dhe bota akademike shqiptare humbën një nga intelektualët më të spikatur. Ngushëllimet më të sinqerta familjes, të afërmve, kolegëve dhe nxënësve të tij!