Ndihma e BE-së për Ballkanin, Shehu: ”Elektroshok” për Ramën, nuk përballet pandemia me rolin e ”lypsarit”
Komisioni Europian, ka miratuar një paketë prej 70 milionë eurosh për të ndihmuar financimin e qasjes së partnerëve të Ballkanit Perëndimor në vaksinat Covid-19 të siguruara nga shtetet anëtare të BE-së. Për ish-deputetin e PD-së, Tritan Shehu ky vendim është një ”elektroshok” për kryeministrin Edi Rama. ”Shqipëria renditet pothuajse e vetme në rajon e Europë krejt e pa mbuluar, pa asnjë kontratë me prodhues epo me vende të tjera, vetëm me një marrëveshje angazhimi me COVAX, karakteristikat e të cilit nuk premtojnë zgjidhje të problemit për ne. Në këto kushte ndihma e BE-së, është shumë e rëndësishme, jo vetëm për përballimin e një pjesë të nevojave tona, por dhe si një sinjal që Rama e qeveria e tij e pa përgjegjeshme të “tunden” e të kuptojnë rëndësinë që ka ky proces vaksinimi për jetën e shëndetin e qytetarëve, ekonominë dhe lidhjet e lëvizjet e nesërme me BE-në”,-shkruan Shehu në facebook.
Postimi i plotë
Së pari duhet falënderuar Brukseli për fondin prej 70 milion euro në ndihmë të vendeve të Ballkanit Perëndimor për vaksinimin kundër Covid-19. Nga vendet tona, Shqipëria renditet pothuajse e vetme në rajon e Europë krejt e pa mbuluar, pa asnjë kontratë me prodhues epo me vende të tjera, vetëm me një marrëveshje angazhimi me COVAX, karakteristikat e të cilit nuk premtojnë zgjidhje të problemit për ne.
Në këto kushte ndihma e BE-së, është shumë e rëndësishme, jo vetëm për përballimin e një pjesë të nevojave tona, por dhe si një sinjal që Rama e qeveria e tij e pa përgjegjeshme të “tunden” e të kuptojnë rëndësinë që ka ky proces vaksinimi për jetën e shëndetin e qytetarëve, ekonominë dhe lidhjet e lëvizjet e nesërme me BE-në.
Rama duhet të kuptojë se ky problem nuk mund të përballohet vetëm duke bërë rolin e “lypsarit” me trastë në qafë e pritur në “gjumë lëmoshat”, siç po vepron qeveria e pa aftë e jona. Ndihma e BE-së nuk mund te zgjidhe te gjitha nevojat tona per vaksina, qe shkojne ne reth 5,5 M doza, ajo do te mbuloje nje pjese te tyre, por duhet te sherbeje edhe si nje “elektroshok zgjimi” per Kryeministrin, qe vazhdon te “fleje” e qe flet vetem sipas “endrave”.
Se paku tashti, ne muajt qe i kane mbetur kesaj Qeverie ne ikje, kjo duhet te lere genjeshrat e mashtrimet per te rikuperuar nje pjese te asaj qe nuk e ka bere ne kohen e menyren e duhur, pra te angazhohet seriozishe e konkretisht per te mbyllur disa kontrata me kompani te sigurta apo dhe me vende te BE, per te siguruar sasine e nevojeshme te vaksinave, ne nje kohe sa me te shkurter. Humbja e me tejshme qofte edhe e nje dite, eshte humje jetesh, shendeti e cmim i rende ekonomik. Ne fakt ky eshte nje cmim, qe shqiptaret do te duhet te paguajne deri me 25 Prill per Rilindjen ne qeverisje.
