Ndryshimet në Kushtetutë, Tedi Blushi: Pse kaq frikë nga populli?

Zëdhënësi i Presidencës, Tedi Blushi, pak minuta nga konferenca për shtyp e kreut të shtetit, ka reaguar lidhur me çështjen e ndryshimit të Kushtetutës. Blushi i mëshon idesë që Ligji Themeltar i Shtetit duhet të bëhet përmes votës direkte të popullit, pra nëpërmjet referendumit.

Nga ana tjetër, Blushi ka dhe një pyetje retorike për “flamurtarët” e ndryshimeve kushtetuese, duke i pyetur se pse kanë kaq frikë nga populli dhe vota e tij.

Reagimi i Tedi Blushit

PSE KAQ FRIKË NGA POPULLI?

Në Shqipëri kanë ndodhur DY REFERENDUME dhe në të dyja herët ka fituar POPULLI.

Padyshim edhe REFERENDUMIN E TRETË DO TA FITOJË POPULLI.

Sepse në Republikën e Shqipërisë, SOVRANITETI I PËRKET POPULLIT dhe vetëm atij.

MOS KINI FRIKË NGA POPULLI! ??