“Në Ersekë na keni vrarë komisionerë Sali, dhe ende autorët nuk janë dënuar”

Ngjarja e djeshme në Ersekë ka shkaktuar debate të shumta në Kuvend. Por, deputeti socialist, Erjon Braçe, thotë se ajo po ekzagjerohet.

Ai i ka kujtuar Berishës, se në Ersekë, në kohën kur ai ishte president, janë vrarë 2 komisionerë të PS-së dhe janë plagosur 5 të tjerë, ndërkohë që autorët nuk janë dënuar ende.

“Në Ersekë keni vrarë komisionerë Sali, Luli e gjithë sa jeni.

Po dëgjoj prej mëngjesi në “Llafe House”, që qajnë e rënkojnë, na kanë sulmuar Lulzim Bashën, oiiiiiii, olelele olelele!

I referohen aktit të një të riu në Ersekë dje, që ka lëshuar një karrige në drejtim të xhaxhait të tij.

Gabim shumë i madh! Jo vetëm duhet dënuar si akt politikisht, por edhe ligjërisht, nëse është shkelur ligji. Policia e ka ndaluar që dje dhe drejtësia të bëjë punën e saj.

Por boll deri këtu.

Sali Berisha në krye të partisë që drejton Luli, por edhe në krye të shtetit, në ditën e zgjedhjeve, mu aty në Ersekë, kanë vrarë me armë zjarri dy komisionerë dhe kanë plagosur 5 të tjerë, të gjithë të PS.

Ende dhe sot nuk janë në burg.

Janë në kërkim ndërsa dhe këta shijojnë "eksodin"!!

Kuptoni?”, shkruan deputeti socialist.