Negociatat me BE. Ministri gjerman nuk përmend Shqipërinë, flet vetëm për Maqedoninë

Në Helsinki të Finlandës ministrat e Jashtëm të vendeve të BE-së kanë diskutuar sot për procesin e zgjerimit të Ballkanit Perëndimor.

Në shumicën fjalimeve të gjitha palët bien dakord për integrimin e rajonit në BE, por lidhur me afatet kohore vetëm Maqedonia e Veriut përmendet pozitivisht.

Përveç zyrtarëve në ikje të Bashkimit Europian, ministrat e vendeve që marrin vendimin për çeljen e negociatave nuk kanë përmendur Shqipërinë.

Heiko Maas, Ministri i Jashtëm i Gjermanisë, në mesazhin e tij për zgjerimin e BE-së ndalet në mënyrë specifike vetëm te rasti i Maqedonisë së Veriut.

“Ballkani Perendimor ëhstë pjesë integrale e Europës. Marrëveshja mes Maqedonisë së Veriut dhe Greqisë për emri është një hap i madh përpara. Ne duhet të njohim këtë sukses”.- është shprehur ministri gjerman.

Një deklaratë e tillë nënkupton se BE duhet të shpërblejë Maqedoninë e Veriut, në mbledhjen e muajit tetor, për arritjen e paktit me Greqinë. Ndërkohë Shqipëria nuk figuron në asnjë prej qëndrimeve të ministrave të BE.

FM @HeikoMaas at the Gymnich meeting of the #EU foreign ministers: The #WesternBalkans are an integral part of #Europe. The agreement between Northern Macedonia and Greece in the naming dispute is a big step forward. We should recognize this success. pic.twitter.com/vnrPLXj7hH

— GermanForeignOffice (@GermanyDiplo) August 30, 2019