Negociatat PS-Rithemelim, Ndoka: Rama po e përdor për zgjedhjet e parakohshme

Kreu i PDK-së, Nard Ndoka teksa flet për negociatat mes mazhorancës dhe Rithemelimit, thotë se kryeministri Edi Rama po e përdor këtë situatë për të shkuar në zgjedhje të parakohshme.

“Ka shumë arsye pse Rama i do zgjedhjet e parakohshme është në panik. Janë shigjetuar anëtarët e kabinetit të tij. Ka disa afera korruptive mbi supe si inceneratorët. I duhen negociatat se ishte në kushtet e pamundësisë për zgjedhje. Ishte me një opozitë që e kishte bllokuar në parlament dhe në rrugë. Mori goditje nga këshilli i ambasadorëve. Ka lëvizje që shkojnë në interesin e Sali Berishës”.

I pyetur se pse mazhoranca po bashkëpunon em Rithemelimin dhe jo PD-në e Bashës, Ndoka u përgjigj: “Është bashkëpunim institucional, kemi Bardhin të pranuar nga faktori ndërkombëtar e SHBA dhe i pranuar nga të gjitha palët. Basha dihet që është personazh i dështuar nuk është pikë referimi as për ndërkombëtarët që e kanë mbështetur dhe në këtë sens Rama është detyruar që të shohë se cila është opozita institucionale dhe shumica”.