Nënshkruhet marrëveshja, Rama: Manchester City me qendër në Durrës, do i shërbejë talenteve nga rajoni

Manchester City do të ketë Akademinë dhe shkollën e futbollit në Durrës. Kryeministri Edi Rama ka njoftuar se është firmosur marrëveshja me “City Football Group”, me Shqipërinë që do ketë një Akademi të mirëfilltë futbolli, të një prej klubeve që kanë rritje të madhe në vitet e fundit.

Falë edhe ndihmës së pronarëve nga Arabia Saudite që zotërojnë këtë kompani, tanimë Shqipëria i bashkohet shumë vendeve ku Manchester City ka një Shkollë futbolli. Veç talenteve nga Shqipëria, edhe yjet e rinj të futbollit nga rajoni do kenë mundësinë të jenë pjesë e kampuseve stërvitore.

Postimi i plotë

AKADEMIA E KLUBIT TË MANCHESTER CITY DHE SHKOLLA E TIJ E FUTBOLLIT PËR FËMIJËT DO TË KENË NË DURRËS KAMPUSIN E TYRE PËR RAJONIN. Sapo ka nisur kapitulli i ri i një historie miqësie e ardhmërie, në një rrugë të përbashkët suksesi me miqtë tanë të paçmuar të Emirateve të Bashkuara, falë mbështetjes së të cilëve Shqipëria hyn edhe në hartën prestigjioze të CITY FOOTBALL GROUP, bashkë me Anglinë, Spanjën, Francën, Italinë, Belgjikën, SHBA, Australinë, Brazilin, Uruguajin, Japoninë, Indinë dhe Kinën.