Nesër ka seancë plenare, si do të veprojë opozita? Berisha: Do të shihni çdo gjë

Nesër është e enjte dhe ka seancë plenare në Parlament, por deputetët e Rithemelimit kanë nisur një aksion bllokues të zhvillimit të veprimtarive normale në Kuvend.

Gazetarët e pyetën Sali Berishën se çfarë do të ndodhë nesër dhe nëse deputetët e përjashtuar do të jenë prezentë në Kuvend. Ai nuk pranoi të zbulojë detaje nga plani i tyre, por iu drejtua gazetarëve me fjalët do të shihni çdo gjë.

“Nuk ka të ndaluar, është betejë a kthim. Do jeni aty, do shihni çdo gjë. Mos më bëni të ekspozoj projektin për nesër”, theksoi Berisha, i cili mesa duket ka përgatitur skenare të tjera dhune dhe përplasjesh për në Kuvend.