Qeveria Rama mban premtimin për rindërtimin e shtëpive të dëmtuara nga tërmeti

Nga Redion Shtylla-

Nga Kavaja ku sot dorëzoi çelesat e shtëpive të reja, kryeministri Edi Rama udhëtoi drejt Laçit për të dorëzuar të tjerë çelësa për banesat e rindërtuara pas tërmetit të 26 nëntorit.

Rama ka ndarë mbrëmjen e sotme pamje nga blloku i ri i banimit në Laç ku pritet të strehohen qytetarët laçianë. ”Gati për rikthimin e 500 familjeve të prekura nga tërmeti në Laç”, shkruan kryeministri Edi Rama.

Kryeministri Rama emëroi për këtë tragjedi që shkaktoi mijëra familje pa shtëpi, një ministër. Arben Ahmetaj, në cilësinë e ministrit të kësaj ministrie për Rindërtimin punoi me përkushtim derisa mbajti premtimin e qeverisë.

Sado kritika mund të kemi për qeverinë, në këtë rast i duhet njohur merita për gjithë këto investime për banorët e dëmtuar nga tërmeti.