Nikolla: Nuk do të jem unë kandidate për Bashkinë e Tiranës

Ministrja e Arsimit dhe Sportit, Lindita Nikolla, e ftuar në emisioni “Shqip” mohoi një kandidim të mundshëm të saj në zgjedhjet e 21 Qershorit për Bashkinë e Tiranës.  E pyetur nëse do të ishte në mbledhjen e ardhshme të dy qeverive të Shqipërisë dhe të Kosovës, zonja Nikolla u shpreh se deri sa të realizojë detyrën e ministres së Arsimit do të vazhdojë të qëndrojë në këtë post. Në mbledhjen e pak ditëve më parë në Asamblenë e Tiranës së Partisë Socialiste, në sugjerimin e anëtarëve për kandidatët e mundshëm ishte edhe emri i zonjës Nikolla si dhe Pandeli Majko, Blendi Klosi dhe Albana Dhimitri.