Nis protesta/ Goci: Ftesa e Ramës ishte ngordhni se unë kam shpallur luftë

Edhe këtë të dielë ka nisur protesta kundër rritjes së çmimeve, dhe pedagogu Ervin Goci i pranishëm në protestë, thotë se sot në Shqipëri ke dy zgjidhje, protestë ose do ngordhësh.

“Ftesa e kryeministrit ishte ngordhni. Pse duhet të ngordhini? Se unë kam shpallur luftë. Lufta bëhet në Ukrainë dhe unë kam shpallur luftë këtu.

Pse? Sepse unë dua. Ka një javë që hedh foto nga Ukraina për të justifikuar çdo vendimmarrje të qelbur që merr.

Një tallje kolosale me interesin dhe vullnetin e njerëzve. Kjo është totalisht e pafalshme sepse emergjenca jonë është të zgjidhet çështja e çmimeve”.