Nis zyrtarisht gara për kryetar në PD. Kryesia miraton 4 kandidatura, skualifikon 5 të tjerë

Kryesia e PD-së ka miratuar 4 kandidatët që do të garojnë për kreun e partisë në zgjedhjet e 13 qershorit. Kryesia votoi unanimisht që gara për kryetar partie të këtë 4 kandidatë: Lulzim Basha, Fatbardh Kadilli, Edit Harxhi dhe Agron Shehaj.

Kandidatët që humbin të drejtën për të garuar janë Ibsen Elezi, Admir Mulaj, Edmond Vrapi, Sabri Hoxha dhe Mirjan Jashanllari.
Në garë për kreun e PD-së ishin 9 persona, 5 prej të cilëve emra të njohur për publikun. Lulzim Basha, Agron Shehaj, Fatbardh Kadilli, Ibsen Elezaj dhe Edit Harxhi ishin emrat që diheshin deri më tani, ndërsa sot u mësuan dhe 4 emrat e tjerë.

Ditën e sotme, Kryesia e Partisë Demokratike është mbledhur për të miratuar kandidaturat në kuadër të zgejdhjeve të 13 qershorit. Rikujtojmë se ujërat brenda Partisë Demokratike u trazuan pas humbjes së zgjedhjeve parlamentare të 25 prillit.

I pari që doli kundër Lulzim Bashës menjëherë pas humbejs në 25 prill ishte Fatbardh Kadilli, i cili shpalli dhe kandidaturën për kreun e PD-së.

Një tjetër emër i rëndësishëm në radhët e PD-së që doli kundër Bashës ishte Bujar Nishani, ish presidenti i vendit, i cili mbante detyrën e Kreut të Këshillit Kombëtar të Partisë Demokratike.