Nishani: 8 kandidatura për Gjykatën e Lartë, ja emrat

Tetë kandidatura janë paraqitur në Presidencë për vendin vakant të anëtarit të Gjykatës së Lartë. Teksa procedura nisi pas përfundimit të mandatit të gjyqtarit Ardian Nuni.

Afati i dorëzimit të dokumentave ishte deri më 25 prill, ku edhe është bërë publike dhe lista e të interesuarve për vendin vakant. Mes tyre është dhe ish-nënkryetari i Këshillit të lartë të Drejtësisë, Ilir Panda.

Kandidatura të tjera janë Astrit Kalaja, Arta Llazari, Entela Prifti, Elona Stavri, Luan Hasneziri, Sokol Hasani dhe Sokol Ngresi.