Nishani: Autorët e vrasjes së policit para drejtësisë

Presidenti i Republikës Bujar Nishani ka reaguar sot lidhur me vrasjen e një efektivi të forcave RENEA dhe plagosjen e dy të tjerëve në Lazarat. Në një njoftim për mediat, Presidenti bën thirrje për bër kapjen e autorëve dhe vënien e tyre para drejtësisë.

Deklarata e Presidentit

po ndjek me shqetësim ngjarjen e rëndë që ka ndodhur në fshatin Lazarat gjatë ditës së sotme ku ka humbur jetën Ibrahim Basha, efektiv i forcave speciale RENEA, dhe ku janë plagosur dy efektivë të tjerë.

Kreu i Shtetit ngushëllon familjen e të ndjerit Basha për humbjen e rëndë si dhe i gjendet pranë të gjithë familjarëve e të afërmve në këtë ditë të rëndë për ta, ndërkohë që u uron shërim të shpejtë policëve të plagosur.

Presidenti Nishani dënon aktin kriminal dhe u kërkon autoriteteve ligjzbatuese që në mënyrë profesionale të bëjnë zbulimin e menjëhershëm të këtij krimi dhe vënien përpara drejtësisë të autorëve, duke u bërë njëkohësisht thirrje për qetësi qytetarëve të Lazaratit në këto momente të vështira.