Nishani: Ja kush janë kandidatët për Gjykatën e Lartë

Pas rrëzimit nga Kuvendi të emrave të propozuar për Gjykatën e Lartë, presidenti Bujar Nishani ka shpallur një listë me të tjerë kandidatë.

Ai thotë se ata plotësojnë të gjithë kriteret ligjore, për t’u emëruar në Gjykatën e Lartë.

“Presidenti i Republikës, Sh.T.Z. Bujar Nishani në zbatim të ligjit Nr. 8588, datë 15.3.2000 “Për organizimin dhe funksionimin e Gjykatës së Lartë të Republikës së Shqipërisë”, i ndryshuar, pas realizimit të procesit të njoftimit publik për vijimin e procedurave ligjore për emërimin e dy anëtarëve të rinj të Gjykatës së Lartë, si dhe pas përfundimit të afatit për shqyrtimin e dokumentacionit të çdo konkurruesi për anëtar të Gjykatës së Lartë, shpall kandidatët, të cilët plotësojnë kushtet ligjore të përcaktuara në ligjin e lartpërmendur”, thuhet në një njoftim te Presidencës.

Lista e konkurruesve që plotësojnë kushtet ligjore si kandidatë për anëtar të Gjykatës së Lartë:

Kandidatë që vijnë nga radhët e Gjyqësorit:

1.     Anila Kristani
2.     Artur Malaj
3.     Astrit Kalaja
4.     Bledar Abdullai
5.     Dhurata Bilo
6.     Luan Hasneziri
7.     Rexhep Bekteshi

Kandidatë që vijnë nga radhët e juristëve:

1.  Ervin Pupe
2.  Fatmira Luli
3.  Gezim Allaraj
4.  Gjet Kola
5.  Ilir Panda
6.  Luan Daci
7.  Natasha Mulaj
8.  Sokol Sadushi